Yaponiya parlamenti vakillari bilan uchrashuv bo‘lib o‘tdi
Yaponiyada tashrif bilan bo‘lib turgan O‘zbekiston Respublikasi tashqi ishlar vaziri o‘rinbosari Bobur Usmanov boshchiligidagi delegatsiya 10 iyul kuni Yaponiya Parlamentining Vakillar palatasi O‘zbekiston bilan parlamentlararo Do‘stlik ligasi ijroiya qo‘mitasi vakillari bilan uchrashdi.
Kun tartibida mamlakatlarimiz o‘rtasidagi aloqalarning joriy holati va istiqbollari hamda parlamentlararo hamkorlikni yanada chuqurlashtirish masalalari muhokama qilindi.
Uchrashuv davomida tomonlar ikki mamlakat siyosiy partiyalari o‘rtasida hamkorlikni yo‘lga qo‘yish, O‘zbekiston va Yaponiya turizm sohasidagi va hududlararo hamkorlikni kengaytirish masalalari yuzasidan fikr almashdi.
