Ashxobod shahrida O‘zbekiston Respublikasi Tashqi ishlar vaziri o‘rinbosari G‘ayrat Fozilov va Tojikiston Respublikasi Tashqi ishlar vaziri o‘rinbosari Muzaffar Xusaynzoda o‘rtasida uchrashuv bo‘lib o‘tdi.

Muloqot chog‘ida ko‘p qirrali hamkorlik, savdo-iqtisodiy va sarmoyaviy aloqalarni yanada mustahkamlashning dolzarb masalalari muhokama qilindi.

Ikki davlat rahbarlarining birgalikdagi sa’y-harakatlari tufayli keyingi yillarda ikki tomonlama hamkorlikni rivojlantirishda misli ko‘rilmagan yutuqlarga erishilgani ta’kidlandi.

Tomonlar savdo-iqtisodiy hamkorlikni rivojlantirish, tovar ayirboshlash hajmini yanada oshirish, ikki mamlakat hududlari o‘rtasidagi to‘g‘ridan-to‘g‘ri aloqalarni qo‘llab-quvvatlash, energetika, sanoat, qishloq xo‘jaligi va boshqa sohalarda hamkorlik loyihalarini amalga oshirish yuzasidan fikr almashdilar.