Tojikiston Elchisi bilan uchrashuv
2025-yil 12-fevral kuni O‘zbekiston Respublikasi tashqi ishlar vaziri o‘rinbosari Bobur Usmanov Tojikiston Elchisi Abdujabbor Rahmonzoda bilan uchrashdi.
Suhbat chog‘ida ikki tomonlama hamkorlik istiqbollari yuzasidan fikr almashildi. Savdo-iqtisodiy aloqalarni chuqurlashtirish va madaniy-gumanitar hamkorlikni faollashtirish muhimligi, xususan, oliy darajada erishilgan kelishuvlarni amalga oshirish masalalari ko‘rib chiqildi.
Shuningdek, joriy yilda hamkorlikni mustahkamlashga qaratilgan turli darajadagi qo‘shma tadbirlar jadvali va kun tartibi muhokama qilindi.
