2023-yil 26-aprel kuni O'zbekiston Respublikasi tashqi ishlar vaziri o‘rinbosari Bobur Usmanov Ozarbayjon Respublikasining mamlakatimizdagi Favqulodda va muxtor elchisi Guseyn Guliyevni qabul qildi.

O‘zbekiston-Ozarbayjon strategik sheriklik munosabatlarining hozirgi holati va oliy darajada erishilgan kelishuvlarni amalga oshirish jarayoni ko‘rib chiqildi.

Tomonlar kelgusi davr uchun siyosiy, savdo-iqtisodiy va madaniy-gumanitar sohalarda qo‘shma tadbirlar jadvalini kelishib oldilar.