Uchrashuvlarda O‘zbekiston-Germaniya va O‘zbekiston-Vengriya munosabatlarining holati va istiqbollari, avval erishilgan kelishuvlarni amalga oshirish masalalari muhokama qilindi.

Tomonlar ikki tomonlama munosabatlar yuksak darajada va ishonchga asoslanganligini qayd etdilar.

2025-yilga mo‘ljallangan qo‘shma tadbirlar, jumladan, oliy va yuqori darajadagi o‘zaro tashriflar rejalari ko‘rib chiqildi. Savdo-iqtisodiy va investitsiyaviy hamkorlikni rivojlantirish, madaniy-gumanitar aloqalarni kengaytirishga alohida e’tibor qaratildi.

O‘zaro hamkorlikni yanada rivojlantirishga faol ko‘maklashish, munosabatlarning barcha yo‘nalishlari bo‘yicha qo‘shma reja va loyihalarning amaliy amalga oshirilishini ta’minlash bo‘yicha kelishuvlarga erishildi.