2024-yil 17-may kuni O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Qatar Davlatining mamlakatimizdagi Favqulodda va Muxtor Elchisi Hasan bin Hamza Hoshim bilan uchrashdi.

Suhbat chogʻida Oʻzbekiston-Qatar munosabatlarining holati va uni yanada rivojlantirishning ustuvor yoʻnalishlari muhokama qilindi. Savdo-iqtisodiy va investitsiyaviy, shuningdek, turizm sohasidagi hamkorlik salohiyatidan samarali foydalanish masalalariga alohida eʼtibor qaratildi.

Tomonlar turli darajadagi boʻlajak qoʻshma tadbirlar jadvali va kun tartibi yuzasidan ham fikr almashdilar.