Tailand Tashqi ishlar vazirligi doimiy kotibi o‘rinbosari bilan uchrashuv to‘g‘risida
![](https://cdn3.mfa.uz/2024/07/22/16/25/ANV_6609%20%E2%80%94%20%D0%BA%D0%BE%D0%BF%D0%B8%D1%8F_xLxTdti-xh_normal.jpg)
2024-yil 22-iyul kuni O‘zbekiston Respublikasi tashqi ishlar vaziri o‘rinbosari Ilhom Haydarov Tailand Tashqi ishlar vazirligi doimiy kotibi o‘rinbosari Busadi Santipitaks bilan uchrashuv o‘tkazdi.
Muzokaralar chog‘ida O‘zbekiston-Tailand hamkorligining bugungi holati va uni yanada rivojlantirish istiqbollari muhokama qilindi.
Tomonlar tashqi ishlar vazirliklari o‘rtasidagi muntazam siyosiy muloqotni, jumladan, xalqaro tuzilmalar doirasidagi hamkorlikni mustahkamlash imkoniyatlarini muhokama qildilar.
Savdo-iqtisodiy va investitsiyaviy hamkorlikni faollashtirishga alohida e’tibor qaratildi. Iqtisodiy diplomatiyani faollashtirish, savdo-sanoat palatalari o‘rtasida hamkorlikni yo‘lga qo‘yish, ikki mamlakat ishbilarmon doiralari o‘rtasidagi sheriklik aloqalarini kengaytirishdan o‘zaro manfaatdorlik bildirildi.
Tomonlar, shuningdek, madaniy-gumanitar aloqalarni chuqurlashtirish va turizm xizmatlarini takomillashtirish bo‘yicha tajriba almashishga qaratilgan qo‘shma loyihalarni amalga oshirish masalalarini muhokama qildilar.