O‘zbekiston va Ozarbayjon tashqi ishlar vazirlari telefon orqali muloqot qilishdi
28-iyul kuni O‘zbekiston Respublikasi tashqi ishlar vaziri Baxtiyor Saidov Ozarbayjon tashqi ishlar vaziri Jeyhun Bayramov bilan telefon orqali muloqot qildi.
Tomonlar O‘zbekiston va Ozarbayjon o‘rtasidagi strategik sheriklik va ittifoqchilik munosabatlarining jadal rivojlanishini alohida ta’kidlab o‘tdi. Tashqi ishlar vazirliklari Davlat Rahbarlari o‘rtasida erishilgan barcha kelishuvlarni to‘liq amalga oshirish bo‘yicha sa’y-harakatlarni yaqindan muvofiqlashtirmoqda.
Shuningdek, suhbat chog‘ida mintaqaviy va global masalalar hamda ularga bo‘lgan o‘zaro yondashuvlar kun tartibidan o‘rin oldi.
