2023-yil 20-aprel kuni O'zbekiston Respublikasi TIV rahbari Baxtiyor Saidov Ruminiyaning Favqulodda va muxtor elchisi Daniel Kristian Chobanuni qabul qildi.

Suhbat chog’ida O'zbekiston-Ruminiya munosabatlarining bugungi holati va ularni rivojlantirishning ustuvor yo'nalishlari muhokama qilindi. Iqtisodiy diplomatiyani jadallashtirishga alohida e'tibor qaratilib, madaniy-gumanitar aloqalarni kengaytirish bo'yicha ham fikr almashildi.

Rejalashtirilgan muloqotlar jadvali va ularning tashkiliy jihatlari, shu jumladan O'zbekiston va Ruminiya tashqi siyosat idoralari o'rtasidagi maslahatlashuvlarning navbatdagi bosqichi bo'yicha takliflar ko'rib chiqildi.