O‘zbekiston TIV rahbari Rossiya Elchisini qabul qildi
2024-yilning 10-yanvar kuni O‘zbekiston Respublikasi tashqi ishlar vaziri Baxtiyor Saidov Rossiya Federatsiyasining Favqulodda va Muxtor Elchisi Oleg Malginovni qabul qildi. Muloqot kengayib borayotgan O‘zbekiston-Rossiya strategik sheriklik kun tartibining bir qancha yo‘nalishlarini qamrab oldi. Shuningdek, 2023-yil yakunlari va 2024-yilga rejalashtirilgan turli darajalardagi bo‘lajak tadbirlar ko‘rib chiqildi.
