2024-yilning 31-may kuni O‘zbekiston Respublikasi tashqi ishlar vaziri Baxtiyor Saidov Islom dunyosi ta’lim, fan va madaniyat tashkiloti bosh direktori Salim bin Muhammad al-Malik bilan uchrashdi. O‘zaro hamkorlikda ulkan salohiyat mavjudligi hamda uni nafaqat O‘zbekistonda, balki mintaqaviy va jahon miqyosida ham istiqbolli loyihalar orqali ro‘yobga chiqarish zarurligi ta’kidlandi. O‘zbekiston tashqi ishlar vaziri Doktor Salim Al-Malikning mintaqamiz allomalarining insoniyat taraqqiyotiga qo‘shgan beqiyos hissasi haqidagi samimiy so‘zlarini yuksak qadrlashini bildirdi.