2023-yil 17-noyabr kuni O‘zbekiston Respublikasi tashqi ishlar vaziri Baxtiyor Saidov videokonferensaloqa shaklida “Global Janub ovozi” ikkinchi sammitining tashqi ishlar vazirlari yig'ilishida ishtirok etdi. Uchrashuv davomida tomonlar Markaziy va Janubiy Osiyo o‘rtasidagi bog‘liqlik, rivojlanayotgan mamlakatlar manfaatlarini ilgari surishda o‘zaro hamkorlikni chuqurlashtirish, iqtisodiy o‘sish, raqamli texnologiyalar, atrof-muhitni muhofaza qilish yuzasidan fikr almashdilar.