2023-yil 22-sentabr kuni Nyu-York shahrida O‘zbekiston Respublikasi tashqi ishlar vaziri Baxtiyor Saidov BMT Sivilizatsiyalar Alyansining Oliy vakili Migel Moratinos bilan uchrashdi. Dunyodagi bugungi geosiyosiy vaziyat yuzasidan fikr almashildi. Nizolarni hal etish va oldini olishda muloqotning muhim ahamiyati ta’kidlandi. O‘zaro hamkorlikning asosiy yo‘nalishlari, madaniyatlararo va dinlararo munosabatlarni mustahkamlash borasidagi aloqalarni faollashtirish bo‘yicha takliflar ham muhokama qilindi.