2023-yilning 10-avgust kuni O‘zbekiston Respublikasi tashqi ishlar vaziri o‘rinbosari Bahromjon A’loyev  Iordaniya Hoshimiylar Podshohligining Favqulodda va Muxtor Elchisi Demiya Zuhayr Haddod bilan uchrashuv o‘tkazdi.

Suhbat chog‘ida siyosiy, savdo-iqtisodiy va madaniy-gumanitar sohalardagi ikki tomonlama munosabatlarning holati va rivojlantirish istiqbollari muhokama qilindi.

Bo‘lajak qo‘shma tadbirlarning jadvali va tashkiliy jihatlari, shuningdek, xalqaro tuzilmalar doirasidagi o‘zaro hamkorlik masalalari ko‘rib chiqildi.