2023-yilning 23-avgust kuni O‘zbekiston Respublikasi tashqi ishlar vaziri o‘rinbosari G‘ayrat Fozilov Fransiya Respublikasining Favqulodda va Muxtor Elchisi Oreliya Bushezni qabul qildi.

O‘zbekiston bilan Fransiya o‘rtasida siyosiy muloqotni yanada mustahkamlash, savdo-iqtisodiy va investitsiyaviy aloqalarni faollashtirish, madaniy-gumanitar almashinuvlarni yo‘lga qo‘yish masalalari ko‘rib chiqildi.

Oliy darajadagi muzokaralar doirasida erishilgan barcha kelishuvlarni to‘liq va o‘z vaqtida amalga oshirish muhimligi alohida ta’kidlandi.

Bo‘lajak qo‘shma tadbirlar jadvali yuzasidan fikr almashildi.