2023-yilning 27-noyabr kuni O‘zbekiston Respublikasi tashqi ishlar vaziri Baxtiyor Saidov BAA, Falastin, Iordaniya, Jazoir, Kuvayt, Misr, Qatar, Saudiya Arabistoni va O‘monning O‘zbekistondagi Elchilarini qabul qildi. Uchrashuv chog‘ida ikki va ko‘p tomonlama aloqalarni yanada boyitish, yangi istiqbolli loyihalarni ishlab chiqish va amalga oshirish, davlatlarimiz oldida turgan mintaqaviy va global masalalarni hal etish, kelgusi yilga mo‘ljallangan rejalar yuzasidan samimiy va samarali fikr almashildi.