O‘zbekiston Respublikasi tashqi ishlar vazirining Qurbon hayiti munosabati bilan bayram tabrigi
Qadrli do‘stlar!
Bugun barchamiz ezgulik, xayr-saxovat, mehr-muruvvat kabi amallar bajariladigan Qurbon hayiti – Iyd al-Adha bayramini ko‘tarinki ruhda nishonlamoqdamiz.
Mazkur ayyom munosabati bilan barcha yurtdoshlarimiz, xorijdagi vatandoshlarimiz hamda butun dunyodagi islom ummati vakillarini chin dildan tabriklaymiz.
Fayzli va shukuhli tabarruk kunlarda Sizga sihat-salomatlik, oilaviy baxt, xonadonlaringizga fayzu baraka tilayman.
Bu ulug‘ ayyomdagi barcha ezgu amallar mamlakatimiz, elimiz va har birimiz uchun qut-barakali va fayzli kelsin!
Qutlug‘ bayram barchamizga muborak bo‘lsin!
Baxtiyor Saidov,
O‘zbekiston Respublikasi tashqi ishlar vaziri
