2024-yil 9-dekabr kuni O‘zbekiston Respublikasi tashqi ishlar vaziri Baxtiyor Saidov Bosniya va Gersegovinaning O‘zbekistondagi yangi tayinlangan Elchisi Ivan Orlichni qabul qildi.

Uchrashuvda ikki tomonlama aloqalarni mustahkamlashga bo‘lgan o‘zaro intilishlar qayd etilib, ikki va ko‘p tomonlama hamkorlik uchun istiqbolli yo‘nalishlar muhokama qilindi. Ayniqsa, iqtisodiy sohada samarali hamkorlik qilish imkoniyatlari alohida ta’kidlandi.