BMT Bosh kotibi Antoniu Guterrish rasmiy tashrif bilan mamlakatimizga keldi. Birlashgan Millatlar Tashkiloti delegatsiyasining O‘zbekistondagi kun tartibi juda sermazmun va boy bo‘lib, O‘zbekiston va BMT o‘rtasidagi hamkorlikka oid barcha masalalarni o‘z ichiga oladi. Bugun nufuzli mehmonning “Yangi O‘zbekiston” bog‘iga borib, Mustaqillik monumenti poyiga gul qo‘yishi hamda Hazrati-Imom majmuasiga tashrifi rejalashtirilgan.