TIVda Qozog‘iston Elchisi bilan uchrashuv bo‘lib o‘tdi
2023-yilning 23-noyabr kuni O‘zbekiston Respublikasi tashqi ishlar vaziri o‘rinbosari Bobur Usmanov Qozog‘iston Respublikasining Favqulodda va Muxtor Elchisi Beybut Atamqulov bilan uchrashuv o‘tkazdi.
Suhbat chog‘ida O‘zbekiston- Qozog‘iston hamkorligining holati va uni rivojlantirish istiqbollari, shuningdek, oliy darajadagi tashriflar natijasida erishilgan kelishuvlarning amalga oshirilishi muhokama qilindi.
Savdo-iqtisodiy, hududlararo o‘zaro hamkorlik va madaniy-gumanitar aloqalarni kengaytirishga alohida e’tibor qaratildi.
Bo‘lajak qo‘shma tadbirlarning jadvali, tashkiliy va mazmuniy jihatlari ko‘rib chiqildi.
