2023-yil 15-dekabr kuni O‘zbekiston Respublikasi tashqi ishlar vaziri Baxtiyor Saidov Yevropa Ittifoqining O‘zbekistondagi Elchisi Sharlotta Adrian bilan uchrashuv o‘tkazdi. Muzokaralar chog‘ida ko‘plab sohalarda kengayib borayotgan hamkorlik kun tartibiga e’tibor qaratildi hamda 2024-yil uchun yanada sezilarli natijalarga erishish, ayniqsa, ishbilarmon doiralar o‘rtasida faol aloqalarni yo‘lga qo‘yish bo‘yicha maqsadlar belgilab olindi.