BAA TIV rahbari bilan telefon orqali muloqot toʻgʻrisida
2023-yil 22-fevral kuni Oʻzbekiston Respublikasi tashqi ishlar vaziri v.b. Baxtiyor Saidov Birlashgan Arab Amirliklari tashqi ishlar va xalqaro hamkorlik vaziri Shayx Abdulla bin Zoid Al-Nahayon janobi oliylari bilan telefon orqali muloqot qildi. Suhbat chogʻida sheriklik munosabatlarining bugungi holati va istiqbollari, 2023-yilga moʻljallangan qoʻshma tadbirlar jadvali hamda kun tartibi, shuningdek, savdo-iqtisodiy va investitsiyaviy hamkorlikni yanada rivojlantirish masalalari muhokama qilindi.
